Rheolwr Gweithredol

Mae Andrea wedi bod yn nyrs gofrestredig am y 34 mlynedd diwethaf a dechreuodd ei gyrfa yn Ysbyty Brenhinol Gwent ym 1990. Ar ôl cymhwyso, roedd rôl gyntaf Andrea yng Nghanolfan Llosgiadau a Llawfeddygaeth Blastig Cymru, Cas-gwent, cyn cefnogi symud yr uned i ysbyty Treforys. Abertawe. Ar ôl 5 mlynedd, symudodd Andrea i Ysbyty Singleton i ymgymryd â rôl Prif Nyrs Iau yr Adran Ddamweiniau.

Yn 2003, dychwelodd Andrea i uned llawfeddygaeth blastig Cymru i achub ar y cyfle i fod yn Uwch Ymarferydd Nyrsio. Cwblhaodd Andrea Radd Ymarfer Clinigol Uwch ac roedd yn un o'r ymarferwyr nyrsio cyntaf yn yr ysbyty, gan weithio ochr yn ochr â'r nyrs arweiniol i ddatblygu gwasanaeth y tu allan i oriau. Yn 2009, daliodd Andrea rôl nyrs rhoi organau arbenigol ar gyfer De Cymru, fel pwynt cyswllt cyntaf ar gyfer unrhyw roddwyr organau posibl.

Penodwyd Andrea yn Fetron adran achosion brys/AMAU yn Ysbyty Treforys, Abertawe yn 2013. Daliodd y swydd hon am 8 mlynedd gyda chyfnod byr fel Metron yr uned Llosgiadau ac yna daeth yn Uwch Arweinydd Clinigol ar gyfer Gofal Heb ei Drefnu yn BIP Bae Abertawe. Yn ystod y pandemig COVID-19 cafodd ei hadleoli i sefydlu a rheoli’r uned derbyniadau covid a’r clinig brechu cyntaf ar gyfer Bwrdd Iechyd Prifysgol Bae Abertawe, yn ogystal â sefydlu a hwyluso llesiant staff, diwrnodau cydnerthedd ar-lein. Ar ôl i’r uned derbyniadau covid ddod i ben, symudodd Andrea i Nyrsio Corfforaethol i gymryd rôl Metron Recriwtio a Chadw Nyrsys, gan gyflogi dros 200 o nyrsys o dramor.

Ymunodd Andrea â Rhwydwaith Trawma De Cymru yn gynnar yn 2022 fel Rheolwr Gweithredol y Rhwydwaith.